ამერიკელმა მილიარდერმა ჯორჯ სოროსმა Brexit-ის მოწინააღმდეგეებს 140 ათასი დოლარი გადაურიცხა. მანამდე, მან პირობა დადო, რომ 500 000 დოლარზე მეტს გადაურიცხავდა Brexit-ის ოპონენტებს.
"მე სიამოვნებით ვიბრძოლებ მათ წინააღმდეგ, ვინც ცდილობდა ცილისწამების გამოყენებას და არა ფაქტებს, თავიანთი წარუმატებელი იდეების განვითარებისთვის", - განაცხადა ამერიკელმა ბიზნესმენმა.
თანხა ორგანიზაცია Best for Britain-ის ანგარიშზე დაჯდა. ორგანიზაციას Best for Britain ხელმძღვანელობენ ყოფილი მინისტრი ლორდ მელოუ-ბრაუნი და ჯინა მილერი, რომლებმაც ევროკავშირიდან გასვლის ინიციატივა სასამართლოში გაასაჩივრეს.
დიდი ბრიტანეთის პრემიერმინისტრმა, ტერეზა მეიმ ქვეყნის ევროკავშირიდან გასვლის პროცედურის შესახებ დოკუმენტს ხელი 29 მარტს მოაწერა.