საერთაშორისო სავალუტო ფონდმა თავისი საკრედიტო რესურსების მოცულობის გზრდა სამ ტრილიონ დოლარამდე გადაწყვიტა. ამ ფორმით ფონდს სურს თავისი პოზიციები მსოფლიო ფინანსურ კრიზისთან ბრძოლაში გაიმაგროს.
ფონდის როლის გაზრას ლობირებს ფონდის დირექტორი დომინიკ სტროს-კანი. მისი აზრით, იმის მიუხედავად, რომ მსოფლიო ეკონომიკა მიმდინარე წელს რეცესიაში არ უნდა მოხვდეს, კრიზისის შემდგომ აღდგენასთან დაკავშირებით საფრთხე მაინც არსებობს. კერძოდ, ეკონომიკურ ზრდას ხელს უშლის ევროპის ვალთან დაკავშირებული კრიზისი და აშშ-ში არსებული უმუშევრობა.
სავალუტო ფონდის კაპიტალის გაზრდის გადაწყვეტილება, შესაძლოა, "დიდი ოცეულის" მორიგ სხდომაზე მიიღონ, რომელიც 2010 წლის ნოემბერში სეულში გაიმართება. შეგახსენებთ, რომ G20-მა 2009 წელს სავალუტო ფონდის საკრედიტო რესურსების ახლანდელი მოცულობა 750 მლრდ დოლარით დაამტკიცა.
ფონდმა ასობით მილიარდი დოლარი ეროვნული ვალუტების კურსის მხარდასაჭერად, ანტიკრიზისული სესხებისა და კრედიტების სახით, აღნიშნული მოცულობიდან უკვე გამოყო.