უძრავი ქონების გაყიდვის დაბეგვრასთან დაკავშირებით ახალ საგადასახდო კიდექსის პროექტში არსებული ვარიანტი დარჩა. ამის შესახებ მთავრობაც და პარლამენტიც პროექტის მეორე მოსმენით განხილვამდე შეთანხმდა. აღსანიშნავია რომ ეს იყო ერთ-ერთი იმ საკითხთაგანი რის გამოც საგადასახადო კოდექსის მეორე მოსმენით განხილვა 16 ივლისს 21 ივლისისთვის გადაიდო.
პროექტში აქამდე არსებული ჩანაწერით განსაზღვრული იყო რომ "თუ საკუთრებაში არსებული უძრავი ქონება საწყის ღირებულებაზე 30 ათას ლარზე ძვირად გაიყიდებოდა 20 პროცენტიანი მოგების გადასახადით დაიბეგრებოდა".
აღსანიშნავია რომ ამ საკითხს ეწინააღმდეგებოდა ბიზნეს სექტორი ექსპერტებიც და დეპუტატებით, ვინაიდან მიაჩნდათ რომ აღნიშნული პრინციპი უძრავ ქონებას გააძვირებდა.
დღეს პარლამენტის საფინანსო-საბიუჯეტო კომიტეტის სხდომაზე კი გაირკვა, რომ აღნიშნულ საკთხზე მთავრობას და პარლამენტს შორის მოხდა შეთანხმება. საგადასახადო კოდექსის პროექტში დღეს მოქმედი კოდექსის ნორმა დარჩება. კერძოდ, ქონების რეალიზაცია მხოლოდ მაშინ დაიბეგრება, თუ ის საკუთრებაში ორ წელზე ნაკლები ხნით არის.