მაგისტრალური გაზსადენის მინიმუმ 51 პროცენტი სახელმწიფო საკუთრებაში დარჩება. როგორც დღეს საფინანსო და რეგიონალური განვითარების კომიტეტების გაერთაინებულ სხდომაზე ითქვა, არასაპრივატიზაციო ნუსხიდან ამოვარდება მაგისტრალური გაზსადენი და სახელმწიფოს საშუალება ექნება ობიექტის აქციათა გარკვეული რაოდენობა ლონდონის ბირჟაზე განათავსოს.
"ვიტოვებთ შესაძლებლობას, რომ გაზასადენი დარჩეს გარკვეულწილად სახელმწიფო საკუთრებაში, თუმცა მის გასხვისებაშიც ვერანაირ საფრთხეს ვერ ვხედავ. მისი პრივატიზება შესაძლებელია, თუმცა საკონტროლო პაკეტი სახელმწიფოს ხელში უნდა იყოს, ხოლო აქციათა გარკვეული ნაწილი ლონდონის ბირჟაზე განთავსდეს" - განაცხადა პარლამენტის იურიდიულ საკითხდა კომიტეტის თავმჯდომარის პირველმა მოადგილემ ლაშა თორდიამ.
მაგისტრალური გაზსადენის პრივატიზაციის ფაქტს არ ეწინააღმდეგება საპარლამენტო ოპოზიციაც.
შეგახსენებთ, რომ მაგისტრალუირ გაზსადენის პრივატიზების შესაძლებლობა მას შემდეგ გაჩნდება, რაც პარლამენტი "სახემწიფო ქონების შესახებ" კანონში სესატან ცვლილებბს დაამტკიცებს. თუმცა როგორც დღეს საბიუჯეტო და რეგიონალური განვითარების კომიტეტების გაერთიანებულ სხდომაზე მთავრობის საპარალმენტო მდივანმა გია ხუროშვილმა განაცხადა, მთავრობა აღნიშნული კანონპროექტის ექსპერტიზას აკეთებს.
"მთავრობა ამ კანონპროექტის დარგობრივ ექსპერტიზას აკეთებს და მე გთხოვთ რომ მეორე მოსმენა არ გაიმაროს მანამ ვიდრე ამ ექსპერტიზის პასუხები არ გვქენება" - განაცხადა გია ხუროშვილმა.