საქართველოს საავტომობილო გზების დეპარტამენტი და ისრაელის ეროვნული საავტომობილო გზების კომპანია თანამშრომლობას გეგმავენ. შესაბამისი მემორანდუმი დღეს გზების დეპარტამენტის თავმჯდომარემ რამაზ ნიკოლაიშვილმა და ისრაელის ეროვნული საავტომობილო გზების კომპანიის გენერალურმა დირექტორმა, ალექსი ვიჟნიცერმა გააფორმეს.
მემომარნდუმის ფარგლებში, ქართული და ისრაელის საგზაო უწყებები ერთმანეთს ახალი ტექნოლოგიებსა და პრაქტიკული გამოცდილებას გააცნობენ და გაუზიარებენ.
კერძოდ, დაგეგმილია თანამშროლობა სახელმწიფო საგზაო ინფრასტრუქტურის განვითარების სტრატეგიის; საბიუჯეტო და საერთაშორისო საგზაო პროექტების მენეჯმენტის; საზედამხედველო და ხარისხის უზრუნველყოფის ღონისძიებათა მენეჯმენტის; ახალი ტექნოლოგიების, სასარგებლო მოდელებისა და პრაქტიკული უნარ-ჩვევების დანერგვის; ასევე საპროექტო საქმიანობისა და საგზაო დიზაინის სფეროებში.
დოკუმენტი ვიზიტებს და ერთობლივი სამუშაო შეხვედრების ორგანიზებას ითვალისწინებს.
