ეკონომიკური განვითარების სამინისტროს საინვესტიციო სააგენტო ქვეყნაში ინვესტიციების მოზიდვის მიზნით, რამდენიმე ღონისძიებას გეგმავს.
როგორც "ჯი-ეიჩ-ენს" საინვესტიციო სააგენტო ხელმძღვანელმა ირაკლი მატკავამ განუცხადა, უახლოეს პერიოდში ამ მიზნით ძირითადად გასვლითი ღონისძიებები განხორციელდება.
კერძოდ, საინვესტიციო სააგენტოს დელეგაცია ვენაში გაემგზავრება, სადაც საქართველოს საელჩოსთან ერთად იქაურ სავაჭრო პალატში საქართველოს საინვესტიციო პოტენციალთან დაკავშირებით პრეზენტაცია გაიმართება.
"ანალოგიური მრგვალი მაგიდა პრაღაშიც გაიმართება, ასევე მაისში დაგეგმილია მსგავსი პრეზენტაცია უნგრეთშიც~, - განაცხადა მატკავამ.
მისი თქმით, ივნისში კი, საინვესტიციო სააგენტო საქართველოს საინვესტიციო პოტენციალის პრეზენტაციას ინდოეთში, სამხრეთ კორეაში და საუდის არაბეთში წარადგენს.
2009 წელს საქართველოში შემოსულმა პირდაპირი უცხოური ინვესტიციების მოცულობამ 760 მლნ აშშ დოლარი შეადგინა.