პრეზიდენტი სააკაშვილი აჭარაში მონორეილის აშენების შესაძლებლობაზეც ალაპარაკდა.
"შეიძლება ბათუმში და მთლიანად აჭარის სანაპიროზე მონორეილი ავაშენოთ. ეს არის თანამედროვე, მაღალ ბოძებზე დამდაგრი 21-ე საუკუნის მატარებელი", - განმარტა პრეზიდენტმა დღეს, ბათუმელებთან შეხვედრისას.
მისივე განმარტებით, აღნიშნულში "ზღაპარი" არაფერია.
"ამასთან დაკავშირებით ჩვენ უკვე ვაწარმოებთ ჩეხებთან მოლაპარაკებებს. მონორეილი მე მინახავს დუბაიში, ვანკუვერსი, ევროპაში არსად არაა და პირველად შეიძლება გაკეთდეს საქართველოში. ეს თითქოს ზღაპარია, მაგრამ ამ დროს ამაში არაფერია ზღაპარი. ჩვენ ბევრი ზღაპარი ვაქციეთ რეალობად", - განმარტა სააკაშვილმა.
ამასთან, ქვეყნის პირველი პირის აზრით, აჭარაში მონორეილის აშენება დამატები ინვესტიციების მოზიდვისთვის რეგიონისთვის ახალი სავიზიტო ბარათი გახდება.