შესაბამისი მემორანუმი ნავთობპროდუქტების მწარმოებელთა, იმპორტიორთა და მომხმარებელთა კავშირმა, ~მწვანე ავტოკლუბმა" და ნავთობპროდუქტების სერტიფიკაციის ორგანო ~მონიტორინგმა" გააფორმეს.

როგორც "ჯი-ეიჩ-ენს" ნავთობპროდუქტების მწარმოებელთა კავშირიდან აცნობეს, მემორანდუმი გაეროსა და საერთაშორისო საავტომობილო ფედერაციის ახალ ინიციატივას - ~გავამწვანოთ ავტომობილი~ უერთდება. კავშირიში მიიჩნევენ, რომ გარემოს ერთ-ერთი მთავარი დამაბინძურებელი სწორედ ავტომობილია. შესაბამისად, ~პარტნიორობა - გარემოს დაცვისთვის" პრიორიტეტი აღნიშნული პრობლემის გარშემო კვლევების და საზოგადოებრივი მონიტორინგის განხორციელებაა, როგორც ავტომობილის, ასევე საწვავის ხარისხის თვასაზრისით.

საწვავის ხარისხის მონიტორინგს სერტიფიკაციის ორგანო ~მონიტორინგი~ ახორციელებს. სერტიფიცირება ნებაყოფლობითია. ~მონიტორინგი~ ამ ეტაპზე კომპანია ~სოკარ ჯორჯია პეტროლეუმის" მიერ იმპორტირებული ბენზინისა და დიზელის საწვავის რეგულარულ ხარისხობრივი შემოწმებას და სერტიფიცირებას ახდენს. შედეგად გაირკვა, რომ საწვავი შესაბამისობის ხარისხს აკმაყოფილებს. გოგირდის, ბენზოლის, არომატული ნახშირწყალბადების შემცველობა ბოლო წლების განმავლობაში შემცირებულია, რაც გარემოს ნაკლებ დაბინძურებას განაპირობებს.

მთავრობის მიერ დადგენილი წესების თანახმად, საავტომობილო ბენზინში ტყვიის შემცველობა არა უმეტეს 0.013 ერთეულისა უნდა იყოს; არომატული ნახშირწყალბადების მოცულობითი წილი - არა უმეტეს 45 პროცენტისა; ბენზოლის მოცულობითი წილი - არა უმეტეს 5 პროცენტისა; გოგირდის შემცველობა - არა უმეტეს 500 ერთეულისა.

რაც შეეხება დიზელის საწვავს, მასში ცეტანის რიცხვი არანაკლებ 45 ერთეულისა უნდა იყოს; გოგირდის შემცველობა - არა უმეტეს 350 ერთეულისა, სიმკვრივე - არა უმეტეს 845 ერთეულისა, პოლიციკლური არომატული ნახშირწყალბადების მასური წილი - არა უმეტეს 11 პროცენტისა.

საქართველოში რეალიზებული საწვავის ხარისხთან დაკავშირებით ~პარტნიორობა - გარემოს დაცვისთვის" ფარგლებში პრეზენტაცია უახლოეს მომავალში გაიმართება.