თბილისის მოსახლეობა 1-ელ აპრილამდე არსებული ბუნებრივი გაზის დავალიანების ეტაპობრივად გადახდას შეძლებს. დავალიანების რესტრუქტურიზაციის გეგმა თბილისის მერიამ და კომპანია "ყაზტრანსგაზ-თბილისმა" შეიმუშავეს.
დავალიანების 20 პროცენტის გადახდის შემდეგ აბონენტებთან ხელშეკრულება გაფორმდება, რომელიც ვალის 5 თვეზე გადანაწილებას გაითვალისწინებს. დავალიანება ყოველთვიურად, მიმდინარე გადასახადთან ერთად უნდა დაიფაროს.
რესტრუქტურიზაციის მსურველმა აბონენტებმა "ყაზტრანსგაზ-თბილისის" რაიონულ სადისტრიბუციო ცენტრებს 14 მაისამდე უნდა მიმართონ.
დავალიანების საერთო ოდენობა 12 მლნ ლარს შეადგენს. რესტრუქტურიზაცია საწარმოებსა და დაწესებულებებს არ ეხება.