სმოლენსკის ოლქში "ტუ-154" -ს ტიპის თვითმფრინავის კატასტროფასთან დაკავშირებით პოლონეთში შვიდდღიანი საერთონაციონალური გლოვა გამოცხადდა. ეს განკარგულება პოლონეთის პრეზიდენტის მოვალეობის შემსრულებელმა პოლონეთის სეიმის სპიკერმა ბორისლავ კომოროვსკიმ გამოსცა.
პოლონეთის პრეზიდენტის მოვალეობას პოლონეთის სეიმის სპიკერი ბორისლავ კომოროვსკი ასრულებს.
შეგახსნებთ, რომ დღეს ავიაკატასტროფა განიცადა თვითმფრინავმა, რომლის ბორტზეც პოლონეთის პრეზიდენტი ლეხ კაჩინსკი, მისი მეუღლე მარია კაჩინსკი, პოლონეთის მთავრობის წევრები, დეპუტატები, ოფიციალური და სასულიერო პირები, საზოგადოებრივი ორგანიზაციების წარმომადგენლები და კატინში დაღუპული ჯარისკაცების ოჯახის წევრები იმყოფებოდნენ.