დღეს, 23 მარტს, 11:00 საათზე, საქართველოს სტატისტიკის ეროვნულ სამსახურთან არსებული საბჭოს მორიგი სხდომა გაიმართება. საბჭოზე საქართველოს ეროვნული ბანკის წარმომადგენელი გამართავს პრეზენტაციას ოფიციალური სტატისტიკის შესახებ. ასევე განიხილება საქსტატის მიერ წარმოებული საჯარო და გასაყიდი სტატისტიკური ინფორმაციის ჩამონათვალი.
საბჭოზე იმსჯელებენ მარტის საბჭოს სხდომაზე ბიზნეს სტატისტიკის კითხვარებთან დაკავშირებულ შენიშვნებსა და წინადადებებზე, ასევე საქსტატის ბაზების საჯაროობის მიზანშეწონილობის საკითხებზე (შინამეურნეობა და ბიზნესსტატისტიკა); წარმოდგენილი იქნება ინფორმაცია საქსტატის 2009-2010 წლების ბიუჯეტის შესახებ. საბჭო გადახედავს საარსებო მინიმუმის დათვლის მეთოდოლოგიას და სხვა მიმდინარე საკითხებს.
