დღეს, სოფლის მეურნეობის მინისტრი ბაკურ კვეზერელი დედოფლისწყაროში მეცხვარეებსა და ექსპორტიორებს შეხვდა და სექტორში არსებულ ვითარებას ადგილზე გაეცნო.
კვეზერელის განმარტებით, ქართულ ცხვარს საექსპორტო ბაზრებზე დიდი პოტენციალი გაჩნია. მისი თქმით, ქართული ცხვრის იმპორტით ყატარიც დაინტერესდა, სადაც საქართველოს მთავრობის დელეგაცია ოფიციალური ვიზიტით უკვე იმყოფებოდა.
"ჩვენი მიზანია, რომ ცხვრის სანაშენე საქმე განვავითაროთ იმისთვის, რომ თითოეულ მეცხვარეს მისი მაღალ ფასად რეალიზების საშუალება მიეცეს", - განაცხადა ბაკურ კვეზერელმა.
სოფლის მეურნეობის მინისტრის განცხადებით, გასულ წელს საქართველოდან 300 ათასამდე ცხვრის ექსპორტი განხორციელდა და მზარდი მოთხოვნის გათვალისწინებით, სოფლის მეურნეობის სამინისტრო ექსპორტის 10 %-იან მატებასაც ვარაუდობს.