ცერემონიის დაწყების წინ ექსპერტები და ჟურნალისტები ფავორიტად ჯეიმს კამერონის "ავატარს" მიიჩნევდნენ. ზოგის აზრით "ავატარი" ოსკარების რაოდენობით კამერონის გახმაურებულ სურათს "ტიტანიკსაც" კი აჯობებდა. ცნობილი საბუკმეკერო კომპანია "უილიამ ჰილი" "ავატარის" გამარჯვებაზე 1/2 ფსონს აწესებდა, თუმცა როგორც ხშირად ხდება ხოლმე ოსკარის დაჯილდოვების ცერემონია კვლავ მოულოდნელად წარიმართა.

საუკეთესო ფილმის ნომინაციაში კეთრინ ბიგელოუს "ქარიშხლის მბრძანებელმა" გაიმარჯვა; საუკეთესო რეჟისორი კეთრინ ბიგელოუ გახდა; საუკეთეოსო მსახიობი კაცი - ჯიეფ ბრიჯისი ("გიჟი გული"); საუკეთესო მსახიობი ქალი - სანდრა ბულოკი ("ბნელი მხარე"); მეორეხარისხოვანი კაცის როლის შემსრულებელი - კრისტოფერ ვოლცი ("უსახელო ნაბიჭვრები"); მეორეხარისხოვანი ქალის როლის შემსრულებელი - მონიკი.

მოულოდნელი გამარჯვებული ჰყავს საუკეთესო უცხოური ფიმლის ნომინაციასაც, ევროპის თითქმის ყველა კინოფესტივალის წარმატებით შემოვლის შემდეგ მიხეილ ჰანეკეს "თეთრი საყელო" ოსკარზე დაიწუნეს. გამარჯვებული არგენტინული სურათი გახდა - "საიდუმლო შენს თვალებში".