მისი თქმით, იგი მოხარული იქნება თუ ზედნადები გაუქმდება, თუმცა "ხალხის პარტია" კვლავ გააგრძელებს ბრძოლას ფიქსირებული გადასახდების დაწესებისთვის.

"მიტინგი მაინც გაიმართება, აუცილებელია რომ მივაღწიოთ მცირე და საშუალო ბიზნესისათვის ფიქსირებული გადასახადის დაწესებას. ამ შემთხვევაში ის ადმიანები, რომლისთვისაც ჩვენ ვიბრძვით უფრო დაცულები იქნებიან დაჯარიმებისა და დაყადაღებისაგან", _ განაცხადა კობა დავითაშვილმა.

შეგახსენებთ, რომ ფინანსთა მინისტრმა კახა ბაინდურაშვილმა კობა დავითაშვილის ოფიციალურ წერილსა და შეკითხვას ოფიციალური განცხადებითვე უპასუხა და განმარტა, რომ "ხალხის პარტიის" ლიდერმა გარკვეული პოლიტიკური მოსაზრებების გამო მოსახლეობა შეცდომაში შეყვანა.

"მოვუწოდებ ყველა მოვაჭრეს და კობა დავითაშვილსაც ოფიციალურად ვეუბნები, რომ საგადასახადო კოდექსში შეტანილი ახალი ცვლილება გარე მოვაჭრეებს ზედნადების აუცილებლობას არ უწესებს. ის მხოლოდ ნებაყოფლობითია", _ განაცხადა ბაინდურაშვილმა.

მინისტრის თქმით, თუკი მოვაჭრეები აქციებს დაიწყებენ, ამით არა ბიუჯეტს, არამედ მხოლოდ საკუთარ შემოსავლებს ავნებენ.

ამასთან, ბაინდურაშვილის განმარტებით, ხვალიდან ფინანსთა სამინისტრო ინტენსიურ სამუშაოებს დაიწყებს მოვაჭრეების საინიციატივო ჯგუფებთან, რათა გაირკვეს, "რა პრობლემები აწუხებს მცირე და საშუალო ბიზნესს, რომ შემდგომში მთავრობამ მათ მოგვარებაზე იზრუნოს".

"კოდექსების დაწერისას ძირითადად მსხვილი ბიზნესების ინტერესები იყო გათვალისწინებული, თუმცა ამიერიდან წვრილი და საშუალო ბიზნესების ინტერესებიც იქნება დაცული და ამის გარანტორად მე გამოვდივარ," - განმარტა მინისტრმა.