17 თებერვალს ევროპის საბჭოს საპარლამენტო ასამბლეაში დანიის სამეფოს პარლამენტის მუდმივმოქმედი დელეგაციის წევრები გორში გაემგზავრებიან, სადაც მათ პრეზიდენტის რწმუნებულთან შიდა ქართლის რეგიონში ლადო ვარძელაშვილი მიიღებს.
გორიდან სტუმრები ევროკავშირის დამკვირვებელთა (EUMM) მისიის ოფისში მივლენ, სადაც ევროკავშირის დამკვირვებლებს გაესაუბრებიან.
იმავე დღეს სტუმრები ცხინვალის რეგიონში ჩავლენ და საოკუპაციო ზონას დაათვალიერებენ. იქედან კი წეროვანის ლტოლვილთა ბანაკში გადაინაცვლებენ. ბანაკის დათვალიერების შემდეგ, მათ ლტოლვილთა და განსახლების მინისტრი კობა სუბელიანი და იძულებით გადაადგილებული პირები შეხვდებიან.
დანიის სამეფოს პარლამენტის ევროპის საბჭოს საპარლამენტო ასამბლეაში მუდმივმოქმედი დელეგაცია თბილისს 18 თებერვალს დატოვებს.
საქართველოს ევროპის საბჭოს საპარლამენტო ასამბლეაში დანიის სამეფოს პარლამენტის მუდმივმოქმედი დელეგაცია 15 თებერვალს ეწვია. დელეგაციის წევრებმა შეხვედრა გამართეს საქართველოს პარლამენტის თავმჯდომარე დავით ბაქრაძესთან, საპარლამენტო ოპოზიციისა და მედიის წარმომადგენლებთან. 16 თებერვალს დელეგაციის წევრებმა საქართველოში ევროკავშირის დელეგაციის წარმომადგენლობის ოფისში ევროკავშირის დელეგაციის პოლიტიკური, ეკონომიკური და ინფორმაციული სამსახურის უფროს რობერტ ლიდელთან გამართეს შეხვედრა, მოგვიანებით კი, საქართველოში ევროპის საბჭოს წარმომადგენლობის ოფისში ევროსაბჭოს გენერალური მდივნის სპეციალურ წარმომადგენელს საქართველოში, ბორის ვოდზსა და სამართლებრივი ჯგუფის ხელმძღვანელ თამარ ჩერგოლეიშვილს შეხვდნენ.
