დღეს საგამოფენო ცენტრ "ექსპო ჯორჯიაში" აშშ-ს განვითარების სააგენტოს მიერ დაფინანსებული პროექტის "მექანიზაციის პროექტის" პრეზენტაცია გაიმართა.
პროექტის პრეზენტაციას აშშ-ს ელჩი საქართველოში, ჯონ ბასი და საქართველოს სოფლის მეურნეობის მინისტრის მოადგილე, მალხაზ აქიშბაია დაესწრნენ.
პროექტი ითვალისწინებს ფერმერების სასოფლო-სამეურნეო დანადგარებით უზრუნველყოფას. პროექტი 30 თვიანია და მისი ბიუჯეტი 5.1 მლნ აშშ დოლარია. პროექტის ფარგლებში საქართველოს მასშტაბით 25-30 აგროტექნიკური სერვის-ცენტრი შეიქმნება, რომელიც 14 ათას მცირე ფერმერს მოემსახურება.
პროექტის ფარგლებში აგროტექნიკური სერვის-ცენტრების მომსახურების შედეგად შესაძლებლობა ექნებათ, ისარგებლონ უახლესი ტექნიკით.
მალხაზ აქიშბაიას განცხადებით, აღნიშნული პროექტის განხორციელება მნიშვნელოვანია სოფლის მეურნეობის სექტორის განვიტარებაში. აქიშბაიას თქმით, პროექტი შექმნის დამატებით სამუშაო ადგილებს და ფერმერებს თავიანთი საქმიანობის გამარტივებაში დაეხმარება
"მექანიზაციის პროექტი" აშშ-ს მთავრობის 1 მილიარდიანი დახმარების ნაწილია, რომელიც საქართველოს აგვისტოს ომის შემდეგ გამოეყო.