დიდთოვლობის გამო გუდაური-კობის მონაკვეთზე დაწესებული შეზღუდვა ამ დროისთვის მოხსნილია.
როგორც "ჯი-ეიჩ-ენს" საავტომობილო გზების დეპარტამენტიდან აცნობეს,
აღნიშნულ მონაკვეთზე გზის ინტენსიური გაწმენდითი სამუშაოები დასრულდა.
ამ დროისთვის მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე ყველა სახის ავტოტრანსპორტის მოძრაობა თავისუფალია.
შეგახსენებთ, რომ აღნიშნულ მონაკვეთზე ტრანსპორტის მოძრაობა დიდთოვლობისა და ნისლის გამო წუხელ შეჩერდა.