ირანის პრეზიდენტი მაჰმუდ ახმადინეჯადი აცხადებს, რომ ირანის უფლება მშვიდობიანი ატომის წარმოების შესახებ, განხილვას არ ექვემდებარება.
"ჩვენი არაკეთილმოსურნეები ცდილობენ ამ საკითხის პოლიტიზირება მოახდინონ, რათა ირანელმა ხალხმა თავის ამ კანონიერ უფლებაზე უარი თქვას. ირანის უფლება მშვიდობიანი ატომის წარმოების შესახებ განხილვას არ ექვემდებარება. ირანის ისლამური რესპუბლიკა თავის მშვიდობიან ატომურ საქმიანობას გააგრძელებს საერთაშორისო ატომურ სააგენტოსთან მჭიდრო თანამშრომლობით",_ აცხადებს ირანის პრეზიდენტი.
ამასთან ერთად ახმადინეჯადი გამოთქვამს მზადყოფნას, ითანამშრომლოს დასავლეთის სახელმწიფოებთან ბირთვული ტექნოლოგიების ათვისების საკითხში. "ეს თანამშრომლობა კი თავად დასავლეთის ინტერესებსაც შეესაბამება, რადგანაც ირანის ისლამური რესპუბლიკისათვის წინააღმდეგონის გაწევა, მას მხოლოდ აძლიერებს",_ აცხადებს ახმადინეჯადი.