გარემოს დაცვისა და სოფლის მეურნეობის მინისტრის მოადგილე, სოლომონ პავლიაშვილი, კახეთის მხარეში სახელმწიფო რწმუნებული, ირაკლი ქადაგიშვილი და თელავის მუნიციპალიტეტის მერი, შოთა ნარეკლიშვილი კომპანიაში „თელავის ღვინის მარანი” იმყოფებოდნენ.
► ღვინის მარანის საკუთრებაში არსებულ ვენახებში საგაზაფხულო სამუშაოები, ახალი კორონავისრუსის გავრცელების საწინააღმდეგო უსაფრთხოების ზომების მაქსიმალური დაცვით, აქტიურად მიმდინარეობს. ვენახებში მომუშავე ადამიანები აღჭურვილი არიან პირბადეებითა და ხელთათმანებით, დაცულია სოციალური დისტანცია.
► კომპანიამ „თელავის ღვინის მარანი” კორონავირუსის პრევენციისთვის შექმნილ ფონდში Stop CoV 300 000 ლარი გადარიცხა. ხელისუფლების წარმომადგენლებმა დამფუძნებლებს მაღალი სოციალური პასუხისმგებლობისა და სოლიდარობისთვის მადლობა გადაუხადეს.