შეერთებული შტატების წარმომადგენელთა პალატამ, კორონავირუსით გამოწვეული ეკონომიკური ეფექტების წინააღმდეგ ბრძოლის მიზნით, მიიღო ისტორიაში ყველაზე მასშტაბური ფისკალური სტიმულირების აქტი.
საკანონმდებლო აქტი, რომლის ბიუჯეტი 2 ტრილიონ დოლარს შეადგენს, უკვე დამტკიცდა სენატის მიერ და ის ახლა პრეზიდენტ ტრამპს გადაეცემა ხელმოსაწერად.
პრეზიდენტის ხელმოწერის შემდეგ ეკონომიკური სტიმულირების აქტი ძალაში შევა.
შედარებისთვის, 2008 წლის გლობალური ფინანსური კრიზისის დროს მიღებული ეკონომიკური სტიმულირების აქტის ბიუჯეტი 900 მლრდ დოლარისგან შედგებოდა.
აღსანიშნავია, რომ აღნიშნული აქტი ითვალისწინებს 18 წელს გადაცილებული ამერიკელებისთვის 1200-დოლარიანი ფულადი დახმარების გაცემას.