უკრაინის მართლმადიდებლური ეკლესიის წმინდა სინოდის გადაწყვეტილებით, ღვთისმსახურების დროს ეკლესიის იურისდიქციაში არსებულ ტაძრებში ყოფნის უფლება მხოლოდ სასულიერო პირებსა და მგალობლებს ეძლევათ. იუწყება უკრაინული მედია.
გავრცელებული ინფორმაციით, სინოდის სხდომაზე, რომელსაც კიევისა და სრულიად უკრაინის მიტროპოლიტი ეპიფანე უძღვებოდა, მიღებული გადაწყვეტილებით, მრევლს ლოცვაში მონაწილეობის შესაძლებლობა დისტანციური საკომუნიკაციო არხების საშუალებით მიეცემა.
სინოდის სხდომა დისტანციურად ჩატარდა.
განმარტებულია, რომ სინოდის ეს გადაწყვეტილება კორონავირუსის პანდემიის წინააღმდეგ ბრძოლის ფარგლეშია მიღებული.
გარდა ამისა, უკრაინის მართლმადიდებლური ეკლესია ხელისუფლებას სთხოვს, კარანტინის დროს არ დახუროს ეკლესიები.