დახურულ ტერიტორიაზე 10 ადამიანზე მეტი არ უნდა იყოს - ამის შესახებ საქართველოს პრემიერ-მინისტრმა გიორგი გახარიამ ბრიფინგზე, ჟურნალისტის კითხვის საპასუხოდ განაცხადა, მარკეტებში 10 კაცზე მეტი ადამიანის შეკრების შემთხვევაში ზომების მიღებასთან დაკავშირებით.
"მარკეტში უნდა დაწესდეს სპეციალური ზომები, რომელიც მარკეტის მფლობელებს და მმართველებს დაავალდებულებს, რომ დახურულ ტერიტორიაზე 10 ადამიანზე მეტი არ უნდა იყოს.
ჩვეულებრივად უნდა ვნახოთ საუკეთესო პრაქტიკები, როგორიც არსებობს ევროპაში - ადამიანები რიგებში დგანან უსაფრთხო დისტანციის - 1-2 მეტრამდე დაცვის პირობებში და ეს ჩვენი მოქალაქეების თვითორგანიზების და რა თქმა უნდა, ბიზნესის პასუხისმგებლობის საკითხია.“, - განაცხადა გიორგი გახარიამ.