დარწმუნებულები იყავით, რომ მომავალ 3-4 დღეში კიდევ გვეყოლებიან გამოჯანმრთელებული ადამიანები, - განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ მთავრობის უწყებათაშორისი საკოორდინაციო საბჭოს სხდომის შემდეგ.
“იცით, რა სტანდარტიც არის გაწერასთან დაკავშირებით, რომ 24 საათში ზედიზედ ორჯერ ადამიანს PCR ტესტი უნდა ჰქონდეს უარყოფითი. მე არ მინდა, რომ შევცდე, მაგრამ დარწმუნებულები იყავით, რომ მომავალ 3-4 დღეში კიდევ გვეყოლებიან გამოჯანმრთელებული ადამიანები“, - თქვა გამყრელიძემ.
20 მარტის მდგომარეობით, ახალი კორონავირუსის ინფიცირების 43 შემთხვევაა, რომელთაგან 1 გამოჯანმრთელდა. კარანტინის რეჟიმშია 1925 ადამიანი, ხოლო სტაციოლანლური მეთვალყურების ქვეშ - 271.