ლეგენდარული ამერიკელი მსახიობის კირკ დუგლასის თითქმის მთელი ქონება, მისივე ანდერძით, ქველმოქმედებას მოხმარდება. იუწყება გამოცემა The Sun-ი.
გამოცემის ცნობით, კირკ დუგლასის ქონება მისი გარდაცვალების დროისთვის 61 მლნ დოლარს შეადგენდა, საიდანაც 50 მლნ დოლარი, დუგლასების ფონდის მეშვეობით, სხვადასხვა დაწესებულებას გადაეცემა.
როგორც იუწყებიან, თანხის ნაწილი სენტ ლოურენსის უნივერსიტეტს გადაეცემა, რომელიც უმცირესობების წარმომადგენლებისა და ღარიბის სტუდენტების დაფინანსებას მოხმარდება.
დარჩენილი თანხა ვესტვუდის სინაგოგოსა და ლოს ანჯელესის ბავშვთა საავადმყოფოს შორის განაწილდება.
ამერიკული მედიის ცნობით, კირკ დუგლასის ქონებიდან არაფერი ერგო მის შვილს, ასევე ცნობილ მსაიობს მაიკლ დუგლასს.
კირკ დუგლასი 103 წლის ასაკში 2020 წლის 6 თებერვალს გარდაიცვალა.
კირკ დუგლასს მონაწილეობა 80-ზე მეტ ფილმში აქვს მიღებული. მათ შორის "ულისე", "სიცოცხლის წყურვილი", "დიდების ბილიკები", "ვიკინგები" და სხვა.
განსაკუთრებით დასამახსოვრებელია მის მიერ შესრულებული მთავარი როლი ლეგენდარულ "სპარტაკში".