პარტია "გამარჯვებული საქართველოს” ერთ-ერთი ლიდერი გუბაზ სანიკიძე აცხადებს, რომ საქართველოს მესამე პრეზიდენტი მიხეილ სააკაშვილი ყველაზე გავლენიანი პოლიტიკოსია, როგორც ქვეყანაში, ისე ქვეყნის გარეთ.
ამის შესახებ გუბაზ სანიკიძემ "ტვ პირველის" ეთერში, გადაცემა "რეაქცია"-ში ისაუბრა.
"სააკაშვილთან შეხვედრა არის აუცილებელი, მე ასე ჩავთვალე, იმიტომ რომ სააკაშვილი არის ძალიან გავლენიანი. ყველაზე გავლენიანი პოლიტიკოსია საქართველოში და საქართველოს მიღმა, ქვეყნის შიგნით და ქვეყნის გარეთ, მოგვწონს ეს თუ არ მოგვწონს.
სიყვარულზე და სიძულვილზე არ არის ლაპარაკი და საერთოდ, პოლიტიკაში სიყვარულზე და სიძულვილზე ლაპარაკს თავი უნდა დავანებოთ, იმიტომ რომ ორივე აბრმავებს - ერთი თავისი სინათლით და მეორე თავისი სიბნელით. გასაკეთებელი არის სწორი და პრაგმატული არჩევანი", - თქვა გუბაზ სანიკიძემ.
