ამერიკის შეერთებული შტატების სამხედრო-საზღვაო ფლოტის ხომალდი "როს"-ი შავ ზღვაში შემოვიდა. იუწყება შტატების მეექვსე ოპერატიული ფლოტის სარდლობა.
მათი განცხადებით, ხომალდი შავ ზღვაში ნატო-ს მოკავშირეებთან და პარტნიორებთან თანამშრომლობის გაძლიერებისა და რეგიონში უსაფრთხოების შენარჩუნებისთვის იმყოფება.
როგორც იტყობინებიან, ხომალდი შავ ზღვაში აშშ-ის არმიის ევროპული ოპერაციის Atlantic Resolve-ის ფარგლებში იმყოფება.
ოპერაცია Atlantic Resolve-ი 2014 წლიდან ხორციელდება, რომელიც რუსეთის მხრიდან უკრაინის მიმართ აგრესიას და ყირიმის ანექსიას მოჰყვა.
რუსეთის თავდაცვის სამინისტრო აცხადებს, რომ შავი ზღვის ფლოტი ყურადღებით დააკვირდება ამერიკული სამხედრო ხომალდის გადაადგილებას.