საქართველოს კარი სადღეღამისო სუპერმარკეტივით ღიაა - აცხადებს პარტია "ლეიბორისტების" ლიდერი შალვა ნათელაშვილი და ირანთან მიმოსვლის შეჩერებას ითხოვს.
შალვა ნათელაშვილის განცხადებით, ხელისუფლებამ ირანთან მიმოსვლის შეჩერების გადაწყვეტილება სასწრაფოდ უნდა მიიღოს.
"მეზობელი ირანის ყველა პროვინციას მასობრივად მოედო სასიკვდილო კორონავირუსის ეპიდემია.
რეალურია საფრთხე არამარტო ინფექციის შემოტანის, არამედ ამ არასტაბილური ქვეყნიდან მოსახლეობის მასობრივი მიგრაციისა ჩვენს ქვეყანაში და ამ დროს "საქართველოს კარი სადღეღამისო სუპერმარკეტივით მთლიანად ღიაა.
სასწრაფოდ, დღეიდანვე, აკრძალული იქნას ადამიანთა მიმოსვლა ირანის ისლამური რესპუბლიკასთან საჰაერო, სახემელეთო, საზღვაო გზებითა და მესამე ქვეყნების გამოყენებით“, - აცხადებს ლეიბორისტების ლიდერი.