ირანში საპარლამენტო არჩევნები მიმდინარეობს.
ირანის შინაგან საქმეთა სამინისტროს ინფორმაციით, საარჩევნო უბნები მთელი ქვეყნის მასშტაბით, ადგილობრივი დროით 08:00 საათზე გაიხსნა და 18:00 საათზე დაიხურება.
საკანონმდებლო ორგანოს წევრებს პირდაპირი და ფარული წესით ოთხი წლის ვადით აირჩევენ.
საპარლამენტო არჩევნებში მონაწილეობის სურვილი თავდაპირველად 15 000-მდე კანდიდატმა გამოთქვა, თუმცა "გუშაგთა საბჭომ" 9000-მდე კანდიდატის ის დისკვალიფიკაცია მოახდინა.
ირანის უზენაესმა ლიდერმა აიათოლა ალი ხამენეიმ მოსახლეობას არჩევნებში მონაწილეობისკენ მოუწოდა და განაცხადა, რომ ეს "რელიგიური მოვალეობაა".
არჩევნები ირანში მკაცრი ეკონომიკური სანქციების ფონზე მიმდინარეობს.