7-წლიანი პატიმრობის შემდეგ, ვანო მერაბიშვილმა საპატიმრო დატოვა.
ყოფილი პრემიერ-მინისტრი, მანამდე შს მინისტრი ვანო მერაბიშვილი 2013 წლის 21 მაისს დააკავეს. ის სასჯელს რამდენიმე საქმეზე იხდის - 1.“აკურას“ ღვინის ქარხნის უკანონოდ ჩამორთმევის საქმე - 2 წელი და 3 თვე; 2. სანდრო გირგვლიანის საქმეზე მტკიცებულებების გადამალვა - 3 წელი; 3. აქციის დარბევა 2011 წლის 26 მაისს - 4 წელი და 6 თვე; 4. მითვისება გაფლანგვა და ამომრჩევლის მოსყიდვა - 5 წელი; 5. ვალერი გელაშვილზე ფიზიკური ანგარიშსწორება - 6 წელი და 9 თვე. სასჯელის შთანთქმის პრინციპით, ვანო მერაბიშვილს სასჯელის საბოლოო სახედ 6 წლითა და 9 თვით თავისუფლების აღკვეთა განესაზღვრა.
მერაბიშვილის საკნიდან გაყვანის ფაქტზე სტრასბურგის ადამიანის უფლებათა სასამართლოს დიდმა პალატამ ევროკონვენციის მე-18 მუხლის დარღვევა დაადგინა, მე-5 მუხლთან ერთად.
