ევროკავშირმა ბელარუსის წინააღმდეგ სანქციები კიდევ ერთი წლით გაახანგრძლივა. ამის შესახებ ევროკავშირის საბჭოს მიერ გავრცელებულ განცხადებაშია ნათქვამი.
საბჭს განცხადებით, სანქციები იარაღზე ემბაროს დაწესებასა და ოთხი ბელარუსელი თანამდებობის პირის მიმართ სავიზო და ფინანურ შეზღუდვებს ითვალისწინებს.
"დღეს საბჭომ გადაწყვიტა, რომ ბელორუსის მიმართ სანქციები ერთი წლით გაგრძელდეს - 2021 წლის 28 თებერვლამდე", - ნათქვამია დოკუმენტში.
ევროკავშირმა ბელარუსის წინააღმდეგ სანქციები პირველად 2004 წელს დააწესა.
2010 წლის დეკემბრის საპრეზიდენტო არჩევნების შემდეგ დემონსტრანტთა წინააღმდეგ ძალის გამოყენებასთან დაკავშირებით, 2011 წელს სანქციები კიდევ უფრო გაფართოვდა და იარაღზე ემბარგო დაწესდა.
2016 წელს ევროკავშირმა ბელარუსს სანქციების ნაწილი მოუხსნა, 170 ბელარუსის მოქალაქეს, მათ შორის პრეზიდენტ ალექსანდრ ლუკაშენკოს, აქტივების გაყინვა შეუჩერეს და ევროკავშირის ტერიტორიაზე გადაადგილების უფლებაც მისცეს.
ევროკავშირი თვლის, რომ 4 ადამიანი, რომელთაც შეუნარჩუნდათ სანქციები, 1999-2000 წლებში ორი ოპოზიციონერი პოლიტიკოსის, ერთი ბიზნესმენისა და ერთი ჟურნალისტის გაუჩინარების საქმეში მონაწილეობდა.