გორის შესასვლელთან მომხდარ ავტოსაგზაო შემთხვევას ერთი ადამიანის სიცოცხლე ემსხვერპლა.
თვითმხილველების გადმოცემით, ავტომობილის მძღოლმა, რომელიც ავტომაგისტრალის გორის მონაკვეთზე მოძრაობდა, საჭე ვერ დაიმორჩილა, გზის სავალი ნაწილიდან გადავარდა და განათების ბოძს შეეჯახა.
გარდაცვლილია მძღოლის გვერდით მჯდომი 60 წლის ქალი. თავად მძღოლი სასწრაფო დახმარების ბრიგადამ საავადმყოფოში გადაიყვანა.
ინცინდენტის დროს მანქანაში იმყოფებოდა ორი არასრულწლოვანი. ისინი თავს უსაფრთხოდ გრძნობენ.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 267-ე მუხლით დაიწყო.