ბრიტანული გამოცემა The Sun Dream Team-ი თავის ფეისბუკგვერდზე ყვარლის სტადიონის ფოტოს აქვეყნებს. გამოცემის ყურადღება სტადიონმა სწორედ იმიტომ მიიპყრო, რომ იგი ყვარლის მრავალსაუკუნოვანი ციხის ეზოში მდებარეობს.
"საქართველოს მე-5 ლიგაში მოასპარეზე ყვარლის „დურუჯის“ სტადიონი უძველესი ციხესიმაგრის კედლებს შიგნით მდებარეობს. უბრალოდ წარმოიდგინეთ, რომ აქ თამაშობთ!" - წერს ბრიტანული გამოცემა.
ყვარლის ციხეს 2018 წლის 8 მაისს კულტურული მემკვიდრეობის უძრავი ძეგლის სტატუსი მიენიჭა.