ბელარუსი განაგრძობს ნავთობის ალტერნატიული ბაზრების ძიებას და სხვა ქვეყნებიდან მის შესყიდვას თუნდაც ის უფრო ძვირი იყოს, ვიდრე რუსული ნავთობი.
ამის შესახებ ბელარუსის პრეზიდენტმა ალექსანდ ლუკაშენკომ განაცხადა. იუწყება ბელარუსული სააგენტო Belta.
ლუკაშენკოს თქმით, ბელარუსი გააგრძელებს ბაზრის დივერსიფიცირებაზე ზრუნვას, რათა ყოველწლიურად, 31 დეკემბერს პუტინის წინაშე მუხლებზე დგომა არ მოუწიოს.
ალექსანდრ ლუკაშენკომ გაიხსენა პუტინთან შეხვედრა 7 თებერვალს სოჭში, სადაც მას რუსეთის პრეზიდენტმა ჰკითხა, თუ რატომ იყიდდა ნავთობს უფრო ძვირად.
"იმიტომ რომ ყოველ წელს, 31 დეკემბრის ღამის 12 საათზე შენს წინაზე მუხლებზე დაჩოქება არ მომიწიოს", - ასე უპასუხა ლუკაშენკომ ვლადიმერ პუტინს.
ბელარუსის პრეზიდენტის განცხადებით, რუსეთი ბელარუსს ნავთობს მსოფლიო ფასებით არ უნდა აძლევდეს.