მოსკოვის ტაგანკის რაიონულმა სასამართლომ 4 მლნ რუსული რუბლით დააჯარიმა სოციალური ქსელი Twitter-ი, რუსეთის მოქალაქეთა პირადი მონაცემების ქვეყნის ფარგლებს გარეთ არსებულ სერვერებზე განთავსებისთვის. იტყობინება რუსული მედია.
სასამართლოს გადაწყვეტილება ეფუძნება რუსეთის ადამინისტრაციულ კოდექსს, რომლის მიხედვითაც კომპანია ვალდებულია, რუსეთის მოქალაქეების პირადი მონაცემების შენახვა მხოლოდ რუსეთში არსებულ სერვერებზე განახორციელოს.
მანამდე გავრცელდა ინფორმაცია, რომ Facebook-ი და Twitter-ი უარს აცხადებენ მონაცემთა ბაზების რუსეთში ლოკალიზებაზე.
კორპორაციების თქმით, ისინი არ აწარმოებენ პირადი მონაცემების განზრახ შენახვას და არ არიან ანგარიშვალდებულნი რუსეთის მარეგულირებელი ორგანოს, "როსკომნადზორის" წინაშე.
"როსკომნადზორი" 2016 წლიდან დაჟინებით სთხოვს Facebook-სა და Twitter-ს მონამცეთა ბაზების რუსეთში განთავსებას.