ახალციხეში, ცოლის მკვლელობის მცდელობაში ბრალდებულმა სიცოცხლე თვითმკვლელობით დაასრულა. შემთხვევა დღეს დილით მოხდა. ცხედარი ახალციხის რეფერალური ჰოსპიტალის მიმდებარე ტერიტორიაზე, ტყეში იპოვეს.
გარდაცვლილი მ.ქ. 10 თებერვლიდან მიმალვაში იყო. მას სამართალდამცველები ცოლზე ძალადობისთვის ეძებდნენ. მას შემდეგ, რაც შვილების თვალწინ ახალგაზრდა ქალის დახრჩობა სცადა, სახლიდან გაიქცა.
რაც შეეხება ქალს, ამ დროისთვის მისი ჯანმრთელობის მდგომარეობა დამაკმაყოფილებელია და საავადმყოფოდან უკვე გაეწერა.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.