მძლავრმა ქარიშხალმა "კიარამ" დიდი ბრიტანეთი და ევროპის ჩრდილოეთ ნაწილი მოიცვა.
ქარიშხლის სიმძლავრემ უელსის ჩრდილო-დასავლეთით 150 კმ. საათს მიაღწია, საფრანგეთის ჩრდილოეთ ნაწილში კი 140 კმ. საათს.
ქარიშხალმა ელექტროენერგიის მასობრივი შეფერხება გამოწვია. ბოლო ინფორმაციით, საფრანგეთში 130 ათასი, დიდ ბრიტანეთში 62 ათასი, გერმანიის ფედერალურ მიწაზე ბავარიაში 50 ათასი, ირლანდიაში კი 10 ათასი სახლი ელექტროენერგიის გარეშეა დარჩენილი.
შეფერხებით მუშაობს თითქმის ყველა სახის სატრანსპორტო საშუალება.
საფრთხის ნარინჯისფერი დონე გამოცხადდა საფრანგეთსა და ბელგიაში. შვეიცარიაში, ციურიხისა და ჟენევის აეროპორტები რეისების მიღებას ვერ ახერხებენ.
ამ დროისთვის არსებული ინფორმაციით, ქარიშხალმა სულ მცირე 6 ადამიანი იმსხვერპლა.