რუსეთის შეიარაღებული ძალების გენერალური შტაბის უფროსის მოადგილე, გენერალ-პოლკოვნიკი ხალილ არსლანოვი, 6.7 მილიარდი რუბლის თაღლითურად მიტაცების ბრალდებით დააკავეს. იტყობინება რუსული მედია.
როგორც იუწყებიან, რუსი სამხედრო მაღალჩინოსნის წინააღმდეგ სისხლის სამართლის საქმე ორი სხვადასხვა ეპიზოდით არის აღძრული.
საქმე ეხება რუსეთის არმიისთვის საჭირო სამხედრო ტექნიკისა და აღჭურვილობის შესყიდვის ხელშეკრულებებში გამოვლენილ თაღლითობას, რა დროსაც მითვისებულ იქნა მილიარდობით რუსული რუბლი.
იუწყებიან, რომ გენერალური შტაბის უფროსის მოადგილის უშუალო მონაწილეობითა და ხელმძღვანელობით, ადგილობრივი წარმოების შეიარაღების შეძენის ნაცვლად, არმიას ჩინური პროდუქცია მიეწოდებოდა.
თაღლითურ სქემაში სხვა პირებიც არიან ჩართულები, რომელთა ნაწილმაც ჩვენება უკვე მისცა არსლანოვის წინააღდეგ. თავად გენერალი არსლავონი თავს დამნაშვედ არ ცნობს.
