ლეგენდარული ამერიკელი მსახიობი კირკ დუგლასი 103 წლის ასაკში გარდაიცვალა. შესაბამისი განცხადება მისმა ვაჟმა მაიკლ დუგლასმა თავის Instagram-ზე გააკეთა.
მაიკლ დუგლასის თქმით, მამამისი იყო ლეგენდარული მსახიობი ჰოლივუდის "ოქროს ხანის" პერიოდიდან და ამავე დროს დიდი ქველმოქმედი.
კირკ დუგლასს მონაწილეობა 80-ზე მეტ ფილმში აქვს მიღებული. მათ შორის "ულისე", "სიცოცხლის წყურვილი", "დიდების ბილიკები", "ვიკინგები" და სხვა.
განსაკუთრებით დასამახსოვრებელია მის მიერ შესრულებული მთავარი როლი ლეგენდარულ "სპარტაკში".