კენიაში ერთ-ერთი ყველაზე გრძელეშვიანი სპილო, სახელად ტიმი 50 წლის ასაკში მოკვდა. იტყობინება კენიის ველური ბუნების დაცვის საზოგადოება.
ტიმი იყო ერთ-ერთი უკანასკნელი იმ სპილოთა შორის, რომელთაც უზარმაზარი ეშვები აქვთ და სამხრეთ კენიაში ცხოვრობენ. მისი თითოეული ეშვი 45 კილოგრამს იწონიდა.
სპილო ტიმი ამბოსელის ეროვნულ პარკში ცხოვრებდა. ის ბუნებრივი გზით მოკვდა.
ტიმი არაერთხელ გამხდარა ბრაკონიერთა სამიზნე, რომლებიც ეშვის მოსაპოვებლად ცხოველებს უმოწყალოდ ხოცავენ. 2016 წელს მან ბრაკონიერთა ხელით მძიმე დაზიანება მიიღო და მომვლელებმა იხსნეს გარდაუვალი სიკვდილისგან.
როგორც იუწყებიან, ტიმის სხეულს ნაირობიში, კენიის ეროვნულ მუზეუმში გაგზავნიან, რათა მოამზადონ საგანმანთლებლო და საგამოფენო მიზნებისთვის.
