შეერთებული შტატების პრეზიდენტი დონალდ ტრამპი, სამშაბათ საღამოს კოგრესის ორივე პალატის გაერთიანებული სხდომის წინაშე, ყოველწლიური მოხსენებით წარსდგება.
როგორც მანამდე დონალდ ტრამპმა განაცხადა, ერისადმი მისი მიმართვა პოზიტიური გზავნილებით იქნება აღსავსე, მაშინ როდესაც, სენატში მიმდინარე იმპიჩმენტის პროცედურის ფონზე, პოლიტიკური ველი უკიდურესად პოლარიზებულია.
ერისადმი ყოველწლიური მიმართვა ტრადიციულად მედიისა და საზოგადოების განსაკუთრებული ყურადღებით სარგებლობს. პრეზიდენტის მოხსენებას კონგრესის წარმომადგენელთა პალატისა და სენატის წევრების გარდა, მოწვეული უმაღლესი რანგი სტუმრები და უზენაესი სასამართლოს მოსამართლეები ესწრებიან.
გასულ წელს, ტრამპის ერისადმი მიმართვას ტელევიზიით 47 მლნ ადამიანმა მიადევნა თვალყური.