თბილისში, ლუბლიანას ქუჩაზე, სუპერმარკეტების ქსელ "სპარის" ერთ-ერთი მაღაზიის თანამშრომელი დაჭრეს.
დაჭრილია 24 წლის მამაკაცი, რომელიც თბილისის ცენტრალურ საავადმყოფოშია მოთავსებული. მას ჭრილობები მარჯვენა ფერდქვეშ არეში აღენიშნება. დაპირისპირების დეტალები უცნობია.
გამოძიება საქართველოს სისხლის სამართლის კოდექსის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.