„ისე გვიყურებენ, თითქოს ბანანის რესპუბლიკა ვართ. ჩვენ არ ვართ ლორა თორნტონის და კრამერის საცდელი ლაბორატორია, - ამის შესახებ „პატრიოტთა ალიანსის“ ლიდერმა ირმა ინაშვილმა აშშ-ის საელჩოსთან გამართულ აქციაზე განაცხადა.
მისი თქმით, საქართველოში NDI-სა და IRI-ს საქმიანობა უნდა აიკრძალოს.
„ისე გვიყურებენ, თითქოს ბანანის რესპუბლიკა ვართ. ჩვენ არ ვართ ლორა თორნტონის და კრამერის საცდელი ლაბორატორია, ჩვენ ვართ დამოუკიდებელი სახელმწიფო, სუვერენული, ჩვენ გვაქვს ჩვენი ღირსება და არავის წინაშე ამ ღირსებას არ დავთმობთ“, - განაცხადა ირმა ინაშვილმა და ლორა თორნტონის წინააღმდეგ საქმის გამოძიება მოითხოვა.
„პატრიოტთა ალიანსი“ NDI-ს მიერ ბოლო საზოგადოებრივი კვლევის შედეგებს არ ეთანხმება. გამოკითხვის შედეგების მიხედვით, კითხვაზე „ხვალ რომ არჩევნები ტარდებოდეს, თქვენი აზრით, რომელი პარტია მიიღებდა ყველაზე მეტ ხმას“, „პატრიოტთა ალიანსს“ 2% აქვს.