საქართველოს საგარეო საქმეთა მინისტრი დავით ზალკალიანი მადლობას უხდის თურქ კოლეგას მევლეთ ჩავუშოღლუს საქართველოს ნატო-ში გაწევრიანების მხარდამჭერი განცხადების გაკეთებისთვის.
მადლობის წერილს ზალკალიანი მიკრობლოგ "ტვიტერზე" აქვეყნებს.
"ძვირფასო, მევლუთ, მადლობას გიხდით საქართველოს ნატო-ში გაწევრიანების შეუქცევად სწრაფვაში გამამხნევებელი მხარდაჭერისთვის. არსებული გამოწვევების ფონზე, თქვენი მხარდაჭერის მნიშვნელობა კიდევ უფრო თვალსაჩინოა. მტკიცედ ვაგრძელებთ, ჩვენს მიერ არჩეულ, ნატოსკენ მიმავალ გზას ", - წერს საქართველოს საგარეო საქმეთა მინისტრი.
შეგახსენებთ, თურქეთის საგარეო საქმეთა მინისტრმა მევლეთ ჩავუშოღლუმ ნატო-ს საქართველოს ალიანსში გაწევრიანებისკენ მოუწოდა. ამის შესახებ ჩავუშოღლუმ დავოსში, მსოფლიო ეკონომიკურ ფორუმზე განაცხადა.
მანამდე მევლეთ ჩავუშოღლუმ გერმანულენოვან გამოცემა Bild-თან ინტერვიუში განაცხადა, რომ თურქეთი მუდამ მხარს უჭერს საქართველოს ნატო-ში გაწევრიანებას, მაგრამ საფრანგეთი და გერმანია ამ ნაბიჯის გადადგმას, რუსეთის შიშით ვერ ბედავენ.
