ლიეტუვის პრეზიდენტმა გიტანას ნაუსედამ, მსოფლიო ეკონომიკური ფორუმის ფარგლებში, საქართველოს პრემიერ-მინისტრ გიორგი გახარიასთამ შეხვედრისას, წუხილი გამოთქვა პარლამენტში საარჩევნო რეფორმის კონსტიტუციური პროექტის ჩაგდების გამო. აღნიშნულ ინფორმაციას ლიეტუვის პრეზიდენტის პრესსამსახური ავრცელებს.
"ვწუხვართ, რომ გასულ წელს საქართველოს პარლამენტმა ვერ შეძლო კონსტიტუციაში ცვლილებების შეტანა, რომელიც ქვეყანაში დემოკრატიის კონსოლიდაციას მოახდენდა.
ჩვენ მხარს ვუჭერთ კონსენსუსის მიღწევას პოლიტიკურ პროცესში ჩართულ ყველა მხარეს შორის და გარე ძალებს არ უნდა მიეცეთ შესაძლებლობა, პოზიციასა და ოპოზიციას შორის უთახნომება გამოიყენონ იმისთვის, რომ შეიქმნას არასტაბილურობა საქართველოსა და რეგიონში", - განაცხადა გიტანას ნაუსედამ.
საუბრისას ყურადღება დაეთმო საქართველოს ოკუპირებულ ტერიტორიებზე უსაფრთხოების, ადამიანის უფლებებისა და ჰუმანიტარული კუთხით არსებულ მძიმე მდგომარეობას.
ლიეტუვის რესპუბლიკის პრეზიდენტმა საქართველოს ტერიტორიული მთლიანობისა და სუვერენიტეტისადმი მტკიცე მხარდაჭერა დაადასტურა.
მხარეებმა პოზიტიურად შეაფასეს ორ ქვეყანას შორის არსებული მაღალი დონის პოლიტიკური დიალოგი, უმაღლესი დონის ვიზიტების დინამიკა, სექტორული თანამშრომლობა, ხალხთაშორისი და კულტურული კავშირები.