სტალინური რეპრესიების დროს, ბათუმს შემოერთებულ ტერიტორიაზე ნაპოვნი 150 ნეშტს დეენემის კვლევა ჩაუტარდა, როგორც ჯანდაცვის სამინისტროში აცხადებენ, აქედან 22 ნიმუში ვერ აიღეს, დანარჩენებისთვის კი შექმნილია დეენემის ბანკი.
აჭარის საზოგადოებრივი მაუწყებლის ინფორმაციით, ჯერ- ჯერობით დაკრძალვა ვერ ხდება, როგორც ამბობენ, საჭიროა დამატებითი გათხრები, რომ შეისწავლონ სხვა ნეშტებიც. ამის შემდეგ დაიწყება მემკვიდრეების დეენემს კვლევა, რომელიც ჯერ ჯერობით უცნობია, დაფინანსდება თუა არა სახელწიფოს მიერ.
სასულიერო პირების განცხადებით, ამ დრომდე ნეშტები საკათედრო ტაძრის სარდაფშია. ელოდებიან გადაწყვეტილებას, რომელიც სამთავრობო კომისიამ უნდა მიიღოს.
ბათუმში, ფრიდონ ხალვაშის ქ. N338-ში მდებარე საბანაკო შეკრების ბაზა N3-ის ტერიტორიაზე, სავარაუდოდ, 1937-1938 წლებში ბოლშევიკური რეპრესიების დროს დახვრეტილი მოქალაქეების ნეშტები აღმოაჩინეს. სამუშაოები ბათუმისა და ლაზეთის ეპარქიამ განახორციელა. ინფორმაცია ცნობილი 5 აპრილს გახდა. ნეშტებს დაკრძალვა 21 აპრილს იგეგმებოდა, თუმცა მოქალაქეების, სხვადასხვა კონფესიების მოთხოვნით, ჯერ მეცნიერულად მოხდება ნეშტების შესწავლა, ინფორმაციის დამუშავება, დნმ ბაზის გაკეთება და მხოლოდ ამის შემდეგ მიიღებენ გადაწყვეტილებას დაკრძალვაზე. ეპარქიამ მოქალაქეების პოზიცია გაიზიარა.
ტერიტორიაზე აღმოჩენილი ახალი სამარხების შესწავლისა და შესაბამისი სამუშაოებისთვის, აჭარის განათლების სამინისტროს სამთავრობო კომისიამ სთხოვა სამუშაო ჯგუფის შექმნა, რომელშიც დარგის ექსპერტ-სპეციალისტები შევლენ. ჯგუფი სამუშაო გეგმას შეიმუშავებს და კომისიას წარუდგენს.