დაიწყო საპენსიო სააგენტოს ახალი დირექტორის შერჩევის პროცედურა. შესაბამისი განცხადება HR.gov.ge-ზე უკვე გამოქვეყნდა.
კანდიდატმა უნდა დააკმაყოფილოს შემდეგი მოთხოვნები:
• ფინანსურ ინსტიტუტში ხელმძღვანელ თანამდებობაზე მუშაობის არანაკლებ 5 წლის გამოცდილება, სასურველია კანდიდატს გააჩნდეს აქტივების მართვის გამოცდილება ან/და საპენსიო სქემების პრინციპების ცოდნა.
• საოფისე კომპიუტერული პროგრამის (Microsoft office word, Microsoft office Excel, Microsoft office Outlook) ცოდნა;
• სსიპ-საპენსიო სააგენტოს დირექტორი უნდა იყოს საქართველოს მოქალაქე.
ახალ დირექტორს სააგენტოს სამეთვალყურეო საბჭო შეარჩევს, რომელშიც საქართველოს ეკონომიკის, ფინანსთა და ჯანდაცვის მინისტრები, ასევე საპენსიო სააგენტოს საინვესტიციო საბჭოს თავმჯდომარე ოლივიე რუსო შედიან.
კანდიდატი საბოლოოდ დასამტკიცებლად საქართველოს პარლამენტს გაეგზავნება.
საპენსიო სააგენტოს მოქმედმა დირექტორმა ლევან სურგულაძემ თანამდებობის დატოვების შესახებ გასული წლის 09 დეკემბერს განაცხადა.
