ვენესუელის ოპოზიციის ლიდერი ხუან გაუიდო ეროვნული საბჭოს შენობაში საკუთარ მომხრეებთან ერთად შეიჭრა და სპიკერის სავარძელი დაიკავა. გუაიდომ, მომხრეების თანდასწრებით შენობაში ფიცი დადო.
„ვენესუელელი ხალხის წინაშე ვფიცავ, რომ დროებითი არჩეული პრეზიდენტის პოსტზე პირნათლად შევასრულებ მოვალეობას და მოვძებნი გზებს კრიზისის დასასრულებლად, ღირსებისა და სტაბილურობის აღსადგენად“,- დაიფიცა გუაიდომ ცერემონიალზე. მოგვიანებით შენობაში ვენესუელის ჰიმნიც გააჟღერეს.
ვენესუელაში პოლიტიკური კრიზისია. ხუან გუაიდო, რომელიც რამდენიმე თვის წინ გაეროს წევრი ქვეყნების უმრავლესობამ, მათ შორის საქართველომ, ვენესუელის არჩეულ დროებით პრეზიდენტად სცნო, კვლავ ძალაუფლების მოსაპოვებლად იბრძვის.
ვენესუელის მოქმედ პრეზიდენტს, ნიკოლას მადუროს კი რუსეთი პოლიტიკურ და სამხედრო დახმარებას უწევს.