სახელგანთქმულმა ბრიტანელმა მომღერალმა და მუსიკოსმა ელტონ ჯონმა ავსტრალიაში ტყის ხანძართან საბრძოლველად მილიონი დოლარი გადარიცხა. იტყობინება CNN-ი.
აღნიშნული განცხადება ელტონ ჯონმა სიდნეიში მიმდინარე კონცერტზე გააკეთა.
ამ მომენტისთვის, ავსტრალიაში ფართომასშტაბიანი ხანძრის წინააღმდეგ საბრძოლველად შექმნილ ფონდი 30 მლნ დოლარია მობილიზებული.
მანამდე აღნიშნულ ფონდში თანხები გადარიცხეს პინკმა, კრის ჰემსვორთმა, ნიკოლ კიდმანმა, ჰიუ ჯეკმანმა, სელენა გომესმა, ქეით ბლანშეტმა და სხვებმა.
ხანძარი ავსტრალიის ტერიტორიაზე სექტემბრიდან მძვინვარებს. ევროკავშირის კოპერნიკის მონიტორინგის პროგრამის ინფორმაციით, ხანძრის შედეგად ატმოსფეროში 400 მეგატონა ნახშირორჟანგი გამოიყო.
ხანძარს ემსხვერპლა 25 ადამიანი. დაიწვა მილიონობით ჰექტარი ტყის მასივი. განადგურდა ასეულობით საცხოვრებელი სახლი და ადმინისტრაციული შენობა.
სიდნეის უნივერსიტეტის კვლევის მიხედვით, ავსტრალიაში ტყის ხანძრებს ნახევარ მილიარდამდე ცხოველი ემსხვერპლა.