შეერთებული შტატების ფედერალურმა საავიაციო სააგენტომ, ამერიკულ ავიაკომპანიებს აუკრძალა ფრენების განხორციელება ერაყის, ირანის და სპარსეთისა და ომანის ყურეების საჰაერო სივრცეში.
გადაწყვეტილება მას შემდეგ მიიღეს, რაც დღეს, 8 იანვარს ირანმა სარაკეტო იერიში განახორციელა ერაყში განთავსებულ ამერიკულ სამხედრო ბაზებზე.
ფედერალური სააგენტოს განმარტებით, ახლო აღმოსავლეთში შექმნილი ვითარება პოტენციურ საფრთხეს უქმნის აშშ-ის სამოქალაქო ავიაციას.
ინფორმაცია არ ვრცელდება აკრძალვის ხანგრძლივობის შესახებ.
შეერთებულ შტატებსა და ირანს შორის დაძაბულობის ახალი ტალღა ირანელი გენერლის ყასემ სულეიმანის მკვლელობას მოჰყვა.
ერაყის დედაქალაქ ბაღდადში, აეროპორტის სიახლოვეს, შეერთებული შტატების მიერ განხორციელებული სარაკეტო დარტყმის დროს, მოკლეს ირანის ისლამური რევოლუციის გუშაგთა კორპუსის ერთ-ერთი ელიტარული ქვედანაყოფის "ყუდსის" ლიდერი, გენერალი ყასემ სულეიმანი.
გენერალ სულეიმანის მკვლელობის გამო ირანში 3-დღიანი გლოვა განაცხადა. ქვეყნის უზენაესმა ლიდერმა აიათოლა ალი ხამენეიმ განაცხადა, რომ ირანი ყასემ სულეიმანის გამო შურს იძიებს.