ირანის ისლამური რევოლუციის გუშაგთა კორპუსის "ალ-ყუდსის" ქვედანაყოფის მეთაურის, გენერალ ყასემ სულეიმანის დაკრძალვის ცერემონიალზე ჭყლეტვაში 40-მდე ადამიანი დაიღუპა, ათობით კი დაშავდა. იტყობინება ირანის სახელმწიფო ტელევიზია.
დაკრძალვის ცერემონია გენერალ სულეიმანის მშობლიურ ქალაქ ქერმანში მიმდინარეობს.
გენერალი სულეიმანი დონალდ ტრამპის ბრძანებით 3 იანვარს, ერაყის დედაქალაქ ბაღდადში, ამერიკული სარაკეტო იერიშის შედეგად მოკლეს.